Hindi pa humihirit ng dagdag pasahe ang mga taxi operators at drivers.
Ito ang sinabi ni Land Transportation Franchising and Regulatory Board (LTFRB) Executive Dir. Kristina Cassion.
Paglilinaw niya wala pang isinusumiteng petisyon para sa taas-pasahe sa taxi taliwas sa mga naglalabasang ulat.
Aniya hinanap nila sa kanilang Legal Division ang iniulat na petisyon na inihain noong Marso ngunit wala silang nakita.
Gayundin, hinihintay nila na maghain na ng petisyon ngunit hanggang sa araw na ito ay wala pa silang natatanggap.
Sinabi nito na hindi sila maaring gumawa ng hakbang ng walang petisyon.
Tanging ang petisyon para sa dagdag pasahe mula naman sa mga bus operators ang kanilang natanggap noong nakaraang linggo.