Ilang tauhan, assets ng PCG itatalaga para sa inagurasyon ni President-elect Marcos Jr.
Itatalaga ng Philippine Coast Guard (PCG) ang ilang tauhan at assets sa idaraos na inauguration ceremony ni President-elect Ferdinand “Bongbong” Marcos Jr. sa Maynila sa Hunyo 30.
Ayon kay PCG Commandant, CG Admiral Artemio Abu, ipinag-utos ng Department of Interior and Local Government (DILG) sa PCG na suportahan ang ipatutupad na public safety at security measures sa unang araw ng administrasyong Marcos.
“We will deploy assets and personnel to augment the Task Group Maritime Security – NCR-Central Luzon that is in charge of ensuring maritime security and maritime safety during the inauguration of the newly-elected Chief Executive of the Philippines,” pahayag ni Abu.
Dagdag nito, “We are now finalizing guidelines and protocols to minimize, if not prevent, maritime incidents that may arise due to threat groups that intend to disrupt the inauguration ceremony or endanger the lives of the general public.”
Nagde-deploy ang Coast Guard Fleet ng rigid hull inflatable boats, aluminum boats, at personal watercraft para mapalakas ang maritime patrol sa bisinidad ng Manila Bay at Pasig River.
Humigit-kumulanh 100 PCG security personnel ang itatalaga sa iba’t ibang strategic areas sa bisinidad kung saan isasagawa ang inagurasyon.
Magkakaroon din ng PCG land vehicles upang madagdagan ang road patrols para makatulong sa pagkontrol ng daloy ng trapiko sa Maynila.
Para naman sa public health and safety, bubuo ang Coast Guard Medical Service ng isang medical team na may dalang Coast Guard ambulance upang makapaghatid ng first aid at iba pang agarang medical assistance sa publiko.
“Rest assured that the PCG will work side by side with the Armed Forces of the Philippines (AFP), Philippine National Police (PNP), and other concerned government agencies to realize a safe, secure, and peaceful assumption of the 17th President of the Republic of the Philippines,” saad pa ng PCG Commandant.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.