Panibagong oil price increase, ipatutupad simula sa Hunyo 21
Bad news sa mga motorista.
Magkakaroon muli ng panibagong bigtime price increase sa mga produktong petrolyo sa araw ng Martes, Hunyo 21.
Batay sa anunsiyo ng Caltex, Cleanfuel, Seaoil, at Shell, may dagdag na P3.10 sa kada litro ng diesel habang P0.80 naman ang itataas sa bawat litro ng gasolina.
May patong ding P1.70 sa kada litro ng kerosene ng Caltex, Seaoil, at Shell.
Mauunang ipatupad ang oil price adjustment sa Caltex bandang 12:01, Martes ng madaling-araw (Hunyo 21).
Magiging epektibo naman ang paggalaw ng presyo sa ibang oil companies bandang 6:00, Martes ng umaga, habang 8:01 ng umaga sa Cleanfuel.
Asahang mag-aanunsiyo rin ng oil price adjustment ang iba pang oil company.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.