VP-elect Sara Duterte, dumalo sa Thanksgiving Mass bago ang inagurasyon
Dumalo si Vice President-elect Sara Duterte-Carpio sa isang Thanksgiving Mass sa San Pedro Cathedral bago ang kaniyang inagurasyon bandang 4:30, Linggo ng hapon (Hunyo 19).
Nakasuot si Duterte ang kulay berdeng Filipiana gown, na gawa ng designer na si Silverio Anglacer.
Pinangunahan ni Davao Archbishop Romulo Valles ang naturang misa.
Sa San Pedro square, nakatakdang manumpa si Duterte kay Supreme Court Associate Justice Ramon Paul Hernando bilang ika-15 bise presidente ng bansa.
Inaasahang dadalo ang kaniyang ama na si outgoing President Rodrigo Duterte sa inagurasyon.
Nakarating na rin sa Davao City si President-elect Ferdinand “Bongbong” Marcos, Jr., kasama ang anak na si Ilocos Norte Rep. Sandro Marcos.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.