Kampeonato na ang Golden State Warriors sa 2021-2022 NBA Finals.
Nakuha ng Warriors ang championship makaraang talunin Boston Celtics sa Game 6 sa iskor na 103-90.
Naging emosyonal ang star players na sina Stephen Curry, Draymond Green, at Andrew Wiggins.
Nakapagtala si Curry ng 34 na puntos, pitong rebounds at pitong assists, 18 na puntos si Wiggins, habang 12 na puntos na may 12 rebounds, walong assists, at tig-dalawang steals at blocks si Draymond Green.
Itinanghal naman bilang NBA Finals Most Valuable Player o MVP si Curry. Ito ang kauna-unahan niyang Finals MVP award.
Ayon sa coach ng Warriors na si Steve Kerr, si Curry ang rason kung bakit naabot ng koponan ang kampeonato.
Ito na ang ikaapat na kampeonato ng Warriors sa loob ng walong taon, at ikapito simula noong 1947.