Pangulong Duterte, humingi ng tawad sa pagpayag sa operasyon ng e-sabong
Humingi ng paumanhin si Pangulong Rodrigo Duterte sa pagpapahintulot niya sa operasyon ng e-sabong sa bansa.
Sa kabila ito ng pagkawala ng 34 sabungero.
“Kaya ‘yung e-sabong, I’m sorry, I did not really realize that it would be like… Akala ko kasi ‘yung ano — the moving factor there was… Naimbiyerna kasi ako 640 million a month tapos so many billions a year because our — maraming nag-o-operate eh,” saad ng pangulo sa kaniyang talumpati matapos mag-inspeksyon sa National Academy of Sports sa Capas, Tarlac.
Dagdag nito, “But I realized very late and I am very sorry that it had to happen.”
Hindi aniya niya akalain na ganoon ang mangyayari dahil hindi naman aniya siya nagsusugal.
“I do not gamble, I do not drink anymore, only water,” ani Duterte.
Matatandaang nagdesisyon ang Punong Ehekutibo na ihinto ang operasyon ng e-sabong noong Mayo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.