NCR, posibleng itaas sa ‘moderate risk’ sa COVID-19 – OCTA
Nagbabala si Dr. Guido David ng OCTA Research na posibleng itaas sa ‘moderate risk’ o ‘yellow alert’ status ang Metro Manila sa mga susunod na linggo.
Ito ay dahil sa pagtaas ng kaso ng COVID-19.
Sa ngayon, nasa ‘low risk’ classification o ‘green alert’ ang Metro Manila.
Sa Laging Handa Public Briefing, sinabi ni David na maaring pumalo sa 400 hanggang 500 na kaso ng COVID-19 ang maitatala kada araw sa mga susunod na linggo.
“So, nasa projections din iyan. So, kumbaga, iyong current situation natin [ay] hindi pa naman siya nangangahulugan na magtataas tayo ng alert level pero this is a possibility within the next few weeks. Of course, decision iyan ng Department of Health at ng Inter-Agency Task Force,” pahayag ni David.
Payo ni David, maiiwasan ang pagtaas ng alert level kung babawasan ang kapasidad sa mga pampublikong sasakyan at ng indoor establishments.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.