LTFRB: May libreng sakay na sa Quezon Avenue – Montalban route
Sinimulan na ang libreng sakay sa rutang Quezon Avenue – Montalban (Route 7) sa ilalim ng Service Contracting Program Phase 3 sa araw ng Lunes, Hunyo 17.
Ayon sa Land Transportation Franchising and Regulatory Board (LTFRB), tumakbo ang unang biyahe bandang 5:00 ng madaling-araw at matatapos bandang 8:00 ng gabi.
Sinabi ng ahensya na layon ng naturang programa na matulungan ang mga operator at driver na naapektuhan ang kabuhayan dahil sa COVID-19 pandemic at patuloy na pagtaas ng presyo ng gasolina.
Sa pamamagitan nito, babayaran ng gobyerno ang mga kalahok base sa bilang ng kanilang naitakbong biyahe kada linggo.
Tuluy-tuloy din ang libreng sakay sa EDSA Busway Carousel tuwing 4:00 ng madaling-araw hanggang 11:00 ng gabi.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.