Bilang ng mga Pinoy na walang trabaho, nabawasan

 

Nabawasan ang bilang ng mga Filipino na walang trabaho noong buwan ng Abril 2022.

Ayon sa ulat ng Philippine Statistics Authority, nasa 2.76 milyon na lamang o 5.7 percent ng mga Filipino ang walang trabaho noong Abril.

Mas mababa ito kumpara sa 4.14 milyong walang trabaho noong Abril 2021 at 2.87 milyong walang trabaho noong Marso 2022.

Sinabi pa ng PSA na ito na ang pinakamababang bilang ng mga Filipino na walang trabaho mula nang tumama ang pandemya sa COVID-19 may dalawang taon na ang nakararaan.