Sinimulan na ng National Bureau of Investigation (NBI) ang hiwalay na pag-iimbestiga sa mga naganap na pagpapasabog ng mga bus sa Mindanao.
Pinangunahan mismo ni NBI Dir. Eric Distor ang pag-iimbestiga kasama ang mga imbestigador ng NBI- Counter Terrorism Division, gayundin sina NBI Deputy Director for Forensic Investigation Ferdinand Lavin at Deputy Director for Intelligence Services Roel Bolivar.
Nabatid na Enero 7, 2021 nang madiskubre ang isang improvised explosive device (IED) sa isang YBLI bus sa Kidapawan at makalipas ang 20 araw, sumabog ang isnag YBLI bus sa Tulunan, North Cotabato na nagresulta sa pagkamatay ng isang pasahero.
Sinundan ito ng pagsabog sa isa din YBLI bus sa M’Lang, North Cotabato, na ikinasawi ng tatlong pasahero.
Ngayon taon, apat na katulad na insidente na ang naganap – Enero 11 sa Aleosan, North Cotabato; Abril 24 sa Parang, Maguindanao at dalawa noong Mayo 26 sa Koronadal City at Tacurong City.
Base sa mga nakalap na impormasyon, terorismo at pangongotong ang motibo sa mga pambobomba.
Nabatid na ang pag-iimbestiga ng NBI sa mga insidente ay para tiyakin na hindi apektado ang pambansang seguridad at hindi na mauulit ang mga pambobomba.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.