Kolehiyala natagpuang patay sa damuhan sa Albay

Wala ng buhay nang matagpuan ang isang 22-anyos na kolehiyala sa Bacacay, Albay.

Kinilala ang biktima na si Rhea Boneo, residente ng nabanggit na lugar at 4^th year BS Accountancy student sa Divine Word College sa Legzapi City

Base sa ulat mula sa Regional Police Office 5, alas-12:15 ng madaling araw ng Lunes nang madiskubre ang biktima sa madamong bahagi ng Purok 3 sa Barangay Hindi.

Maraming sugat sa katawan ang biktima, ayon sa pulisya, at narekober naman ang ilan sa kanyang mga personal na gamit.

Inaalam na ng pulisya ang posibleng motibo at pagkakakilanlan ng salarin.