May 50 pamilya na binubuo ng 180 katao ang lubhang apektado ng pagputok ng Mt. Bulusan, base sa datos ng National Disaster Risk Reduction and Management Council (NDRRMC).
Nabatid na ang mga apektado ay mula sa Barangay Puting Sapa sa bayan ng Juban sa Sorsogon.
Inilakas ang mga ito dahil sa matinding pagbagsak ng abo na ibinuga ng nabanggit na bulkan, bukod pa sa masangsang na amoy.
Karamihan sa mga inilikas ay mga bata, buntis at senior citizens.
Sinuspinde rin ang mga klase sa Puting Sapa Elementary School, Sangkayon Elementary School at Anog Elementary School dahil sa ashfall.
MOST READ
LATEST STORIES