Escudero, binisita ang mga residenteng apektado ng pagputok ng Bulkang Bulusan

Binisita ni outgoing Sorsogon Governor at ngayo’y Senator-elect Chiz Escudero ang mga residenteng naapektuhan ng pagputok ng Bulkang Bulusan.

Nasa 53 pamilya o 173 indibiduwal ang nananatili sa evacuation center ng Tughan Elementary School sa bayan ng Juban.

Ipinamahagi ni Escudero, kasama ang Provincial Social Welfare and Development Office, ang food packs, beddings, hygiene kits at iba pang basic na pangangailangan ng mga bakwit.

Matatandaang nagkaroon ng phreatic eruption ang naturang bulkan, Linggo ng umaga (Hunyo 5).

Patuloy namang binabantayan ng Phivolcs ang aktibidad ng Bulkang Bulusan.