Jun Lozada, kapatid na lalaki, sumuko sa NBI

Sumuko na sa National Bureau of Investigation si NBN-ZTE deal whistleblower Rodolfo Noel jun Lozada jr. at kapatid nitong si Jose Orlando Lozada.

Ito ay matapos sentensyahan ng Supreme Court ang magkapatid na Lozada ng minimum imprisonment na anim na taon hanggang 10 taon dahil sa kasong graft noong 2016.

Ayon kay NBI Deputy Director Ferdinand Lavin, pasado 7:00 kagabi nang sumuko ang magkapatid na Lozada.

Taong 2016 nang hatulang guilty ng Sandiganbayan ang magkapatid na Lozada.

Pinaboran kasi ni Jun Lozada ang kapatid na si Jose Orlando Lozada nang paupahan ang 6.5 ektaryang public land noong 2007.