NCRPO chief sa publiko: “Kalma, don’t panic”

Bunsod ng mga mararahas na insidente sa Mindanao, pinagtibay pa ng National Capital Region Police Office (NCRPO) ang seguridad at prensiya ng mga pulis sa Metro Manila.

Ito, ayon kay NCRPO director, Maj. Gen. Felipe Natividad, ay para mapigilan ang anumang ‘terror attack’ sa kapitolyong rehiyon ng bansa.

“All acts of terrorism against people of any region, race, or creed are crimes against humanity and are always a threat to any nation’s security,” aniya.

Gayunpaman, nanawagan si Natividad sa mga mamamayan na huwag maalarma o mag-panic at dapat aniya manatili lamang ang lahat na kalmado at alerto.

Ipinag-utos na ng pamunuan ng pambansang pulisya ang masusing pag-iimbestiga sa naganap na pagsabog sa Isabela City sa Basilan kamakalawa.