Sinabi ni PNP Officer-in-Charge Vicente Danao Jr., na handa silang magpadalang karagdagang pulis para sa inagurasyon nina President-elect Bongbong Marcos Jr., at Vice President-elect Sara Duterte.
Una nang nagpahayag ang kampo ni Duterte na ang inagurasyon nito ay magaganap sa Davao City sa Hunyo 19.
Pagtitiyak pa ni Danao na nakahanda ang buong-puwersa ng pambansang pulisya sa anumang maaring mangyari at aniya nakikipag-ugnayan na sila sa dalawang kampo.
Ayon pa rin kay Danao, sa ngayon ay wala silang namo-monitor na banta sa dalawang inagurasyon.
Sinabi na rin ni Police Brig. Gen. Roderick Alba, director ng PNP-Public Information Office, na handa ang kanilang Police Security and Protection Group (PSPG) na tumulong sa Presidential Security Group (PSG) sa pagbabantay sa magkahiwalay na inagurasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.