DOH balak bumili ng bakuna kontra monkeypox

 

Pinag-aaralan na ng Department of Health (DOH) na bumili ng mga bakuna kontra monkeypox.

Pahayag ito ng DOH sa gitna ng pagdami ng mga bansang tinatamaan ng monkeypox.

Ayon sa DOH, wala sa national immunization program ngayon ng pamahalaan ang pagbabakuna kontra monkeypox.

Sinabi pa ng DOH na bagama’t wala pang kaso ng monkeypox sa bansa, mas makabubuti na ang maging handa sakaling magkaroon ng outbreak.

Una nang sinabi ng World Health Organization na may mga bakuna nang ginagawa ngayon bilang panlaban sa monkeypox.

Pero sa ngayon, iisa pa lamang ang naaprubahan ng WHO.