MRT-3, muling nakapagtala ng pinakamataas na bilang ng commuters noong Mayo 26
Patuloy na dumarami ang mga pasaherong naseserbisyuhan ng Metro Rail Transit Line 3 (MRT-3).
Sa datos ng pamunuan ng MRT-3, umabot sa 353,553 na pasahero ang naserbisyuhan sa linya ng tren noong Huwebes, Mayo 26.
Pinakamataas ito simula nang magbalik-operasyon sa rail line noong buwan ng Hunyo noong 2020.
Malaking tulong dito ang handog na libreng sakay program at pagpapatakbo ng 14 hanggang 16 na 3-car CKD train set, at apat na 4-car CKD train set sa mainline.
Pinalawig ang libreng sakay program sa MRT-3 hanggang Hunyo 30.
Tiniyak din ng pamunuan ang mahigpit na pagpapatupad ng minimum public health and safety protocols sa buong rail line.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.