Tatlo arestado sa marijuana buy-bust operation sa Quezon City
Naghihimas ng mga rehas ngayon ang tatlong lalaki matapos makumpiskahan ng dalawang bricks ng marijuana sa ikinasang operasyon ng Quezon City Police District sa Quezon City.
Naaresto sina Reymond Desano, Christian Paul Letigio at Frederick Parlan, samantalang nakatakas naman si Alec Lorenzo.
Ikinasa ang operasyon ng mga tauhan ng Station 11 – Station Drug Enforcement Unit sa Judge Jimenez St., Barangay Kristong Hari alas-2:10 ng madaling araw.
Nakumpiska sa tatlo ang dalawang bricks ng marijuana na nagkakahalaga ng P182,000 at dalawang sachet na naglalaman din ng marijuana na may halagang P2,880.
Kinumpiska din ang isang scooter na ginagamit ng mga suspek sa pagdi-deliver ng droga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.