Bahagi ng Mindanao, makararanas ng kalat-kalat na pag-ulan dulot ng ITCZ
Patuloy na umiiral ang Intertropical Convergence Zone (ITCZ) sa Mindanao.
Ayon kay PAGASA Weather Specialist Raymond Ordinario, magdadala pa rin ang naturang weather system ng kalat-kalat na pag-ulan, pagkidlat, at pagkulog sa Caraga, at Davao region.
Asahan naman aniya ang maaliwalas na panahon sa nalalabing parte ng bansa, kabilang ang Metro Manila.
Ngunit, hindi inaalis ni Ordinario ang posibilidad na makaranas ng mga panandaliang pag-ulan.
Sa susunod na tatlo hanggang limang araw, wala aniyang inaasahang low pressure area (LPA) o bagyo na maaring mabuo o pumasok sa loob ng Philippine Area of Responsibility (PAR).
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.