Mga provincial election supervisor sa ilang lugar sa bansa, pinagpapaliwanag ng Comelec
Pinagpapaliwanag ng Commission on Elections (Comelec) ang mga provincial election supervisor sa Pampanga, Sultan Kudarat, Surigao del Sur, Sulu at Cagayan, Mandaluyong at Manila
Ito ay matapos mabatid na walang laman ang ballot boxes na isinumite sa Kongreso na tumayong National Board of Canvassers.
Isang urgent memorandum ang ipinadala ni Comelec Chairman Saidamen Pangarungan sa mga nabanggit na provincial election supervisor.
Pinagpapaliwanag ni Pangarungan ang mga provincial election supervisor sa loob ng 48 oras.
Nais malaman ni Pangarungan kung bakit hindi sila dapat patawan ng disciplinary action.
Matatandaang sa canvassing ng Joint Congress para sa presidente at bise presidente, wala ang certificate of canvass (COC) sa loob ng selyadong ballot box mula sa mga nasabing lalawigan.
Sinabi naman ni Comelec Deputy Executive Director for Administration Helen Aguila Flores na ang paliwanag sa kanila ng mga PES ay hindi sinasadya ang pagkakamali dala na rin daw ng pagod at puyat.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.