Pinakamataas na bilang ng commuters ng MRT-3, naitala noong Mayo 25
Nakapagtala muli ng pinakamataas na bilang ng pasaherong naserbisyuhan sa Metro Rail Transit Line 3 (MRT-3).
Sa datos ng pamunuan ng MRT-3, umabot sa 353,147 na pasahero ang naserbisyuhan sa linya ng tren noong Miyerkules, Mayo 25.
Pinakamataas ito simula nang magbalik-operasyon sa rail line noong Hunyo noong taong 2020.
Bunsod pa rin ito ng ipinatutupad na libreng sakay at pagpapatakbo ng 14 hanggang 16 na 3-car CKD train set, apat na 4-car CKD train set sa mainline.
Nitong Miyerkules lamang, inanunsiyo ang pagpapalawig ng libreng sakay program sa MRT-3 hanggang Hunyo 30, 2022.
Patuloy ang mahigpit na pagpapatupad ng pamunuan ng MRT-3 ng minimum public health and safety protocols sa buong rail line.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.