Higit 250 pulis-Maynila bantay sa libing ni Susan Roces
Nagtalaga ang Manila Police District (MPD) ng 250 sa kanilang mga pulis sa Manila North Cemetery kaugnay sa libing ni veteran actress Susan Roces.
Sinabi ni Police Lt. Col. John Guiagui, hepe ng MPD – Station 3, inaasahan na nila na dadagsa ang mga tagasuporta ng pamilyang Poe.
Aniya ang tanging layon nila ay mapanatili ang kaayusan at kapayapaan sa libing kasama na ang pagpapatupad ng minimum health protocols, lalo na ang physical distancing.
Nagpaalala na rin sila sa mga tagasuporta na iwasan nang magdala ng mga mamahaling bagay dahil maaring may magsamantala.
Bago mag-tanghali itinakda ang paghahatid kay Roces sa kanyang huling hantungan katabi ng nitso ng kanyang yumaong asawa, si Da King Fernando Poe Jr.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.