Sen. Bong Go: Pangulong Duterte malabo sa proklamasyon ng BBM-Sara Uniteam

Hindi nakaugalian ni Pangulong Duterte na dumalo sa mga proklamasyon kayat malaki ang posibilidad na hindi ito magtutungo sa Kamara para sa inaasahang proklamasyon nina Bongbong Marcos Jr., at Sara Duterte bilang bagong presidente at bise presidente ng bansa.

Ito ang naibahagi ni Sen. Christopher Go at aniya simula nang manungkulan si Pangulong Duterte ay hindi ito dumadalo sa mga proklamasyon.

Aniya kahit noong nanalo ito noong 2016 ay hindi ito dumalo sa kanyang proklamasyon.

Maging nang manalo ito ng ilang ulit bilang alkalde ng lungsod ng Davao.

Dagdag ng senador, sa mga panunumpa lamang dumadalo ang Punong Ehekutibo.

Ngunit, diin ni Go, hindi naman imposible na magbago ang isip ni Pangulong Duterte.