Unang hinihinalang kaso ng moneypox, napaulat sa Argentina
By Angellic Jordan May 23, 2022 - 08:24 PM
Napaulat ang unang hinihinalang kaso ng monkeypox sa Buenos Aires, Argentina.
Kasunod ito ng lumalawak na alarma sa mga naitatalang kaso ng naturang virus sa Europe, at maging sa west at central Africa.
Ayon sa health ministry ng Argentina, isang residente ng Buenos Aires ang hinihinalang kaso.
Nakararanas ang residente ng sintomas ng monkeypox. Gayunman, sinabi ng health ministry na maayos ang kondisyon nito at naka-isolate habang isinasagawa ang mga serye ng mga pagsusuri.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.