Celebrities at internet stars mapapanood sa PIE Channel
Simula ngayon araw, mapapanood na ang mga kinagigigiliwang celebriries at internet stars sa Pinoy Interactive Entertainment (PIE) Channel.
Mapapanood ang PIE sa Beam TV, Skey Cable (Channel 21), PIE websire at PIE YouTube Channel, bukod sa GLife ng GCash.
Sa unang tatlong buwan na pag-ere, aabot sa P10 milyon ang ibibigay na premyo ng PIE Channel.
Kabilang sa mga mapapanood sa PIE Channel sina ‘Mayora’ Frances Cabatuando ng Home Buddies Facebook community sa PIESilog; Sela ‘Kikay’ Guia; Tristan ‘Kwelang Kuya ng Lahat’ Ramirez; Raco ‘Bibong Artist’ Ruiz; Jae ‘Good Boy Charmer’ Miranda, at Eryka ‘VJ na Laging May Say’ Lucas.
Kasabay naman ng pananghalian ay ang programang ‘Barangay PIE,’ kung saan itatampok ang ibat-ibang personalidad ng ordinaryong Filipino.
Makakasama sina “Ang Tito Mong Mayor” Mayor TV, “Ang Muse ng Barangay” Abby Trinidad, “Barangay Talak-Tokerist” Ruth Paga, “Sawsawera ng Barangay” Sunshine Teodoro, “Barangay Queen Sirena” Inah Evans, “Barangay Sexy-Tary” Patsy Reyes, at “Sizt-mosa ng Barangay” Coco Cordero.
Bukod pa sa ‘PIENALO,’ ‘PIE Night Long,’ at ‘UZI.’
Pagsapit naman ng alas-4 ng hapon, matutunghayan ang ‘PIEGalingan,’ nina “G sa Lahat ng Gimik” at “Try-It” actor/streamer Ralph Malibunas, “Reynang All-Out ang Support” beauty queen/actress Sam Bernardo, at “Bidabro” at “Promotor ng Trip” actor/host Eris Aragoza.
“Sa PIE, ang mga viewers ay bahagi ng isang komunidad na gumaganap ng aktibong papel sa pagkukuwento, games at talk shows. Maging sa TV, laptop, desktop o mobile device, ang PIE ay madaling ma-access ng mga Pinoy na gustong sumubok ng bagong paraan para manood at maki-interact sa mga palabas,” sabi ni KROMA Entertainment Chief Executive Officer Ian Monsod.
“Ginawa naming interactive ang aming mga programa para makalahok ang mga manonood sa pamamagitan ng TV at mga mobile device. Maghanda para sa 21 oras ng masasayang palabas araw-araw sa bagong entertainment channel na ito,” ani Cory Vidanes, ABS-CBN Chief Operating Officer of Broadcast.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.