Balasahan ng mga mahistrado ikinasa sa Korte Suprema

Nagalaw ang mga posisyon sa tatlong dibisyon ng Korte Suprema sa pagkakatalaga kay Associate Justice Maria Filomena Singh.

Ang 1^st Division ay pamumunuan ni Chief Justice Alexander Gesmundo, si Associate Justice Ramon Paul Hernando naman ang ‘working chairperson,’ at miyembro sina Associate Justices Rodil Zalamadea, Ricardo Rosario at Jose Midas Marquez.

Pamumunuan n ani Senior Associate Justice Marvic Leonen ang 2^nd Division at miyembro sina Associate Justices Amy Lazaro Javier, Mario Lopez, Jhosep Lopez at Antonio Kho Jr.

Si Associate Justice Alfredo Benjamin Caguioa naman ang mamumuno sa 3^rd Division at miyembro sina Associate Justices Henri Jean Paul Inting, Samuel Gaerlan, Japar Dimaampao at Singh.

Nagpalabas ng special order si Leonen, bilang acting chief justice, kaugnay sa reorganisasyon. Naka-‘wellness leave’ si Gesmundo hanggang sa katapusan ng kasalukuyang buwan.

Inaasahan na walang mangyayari pang balasahan sa Korte Suprema hanggang sa pagreretiro ni Lopez sa Hunyo 4, 2025.