Unang alarma, itinaas sa sunog sa GA Tower sa Mandaluyong

Sumiklab ang sunog sa GA Tower sa Mandaluyong City pasado 12:00, Huwebes ng hapon.

Sa ulat ng Mandaluyong City Fire Station, apektado ng sunog ang basement ng GA Tower 2 sa Sierra Madre Street sa bahagi ng Barangay Malamig.

Sa ngayon, nakataas na ang unang alarma sa nasabing sunog.

Patuloy ang pag-apula ng mga bumbero sa sunog.

Rumesponde na rin ang mga volunteer mula sa Philippine Red Cross (PRC) upang tumulong sa pag-apula ng apoy.