Tanggap na ni Doc Willie Ong ang pagkatalo sa vice presidential race ng 2022 National and Local Elections.
Sa Twitter, nag-upload ng video si Ong upang iparating ang mensahe para kina Presidential frontrunner Ferdinand “Bongbong” Marcos, Jr. at Vice Presidential candidate Sara Duterte-Carpio.
“Binabati ko po ng congratulations ang ating bagong president, President Bongbong Marcos, and Vice President Sara Duterte sa kanilang pagkapanalo ngayong eleksyon,” pahayag ni Ong.
Hiling nito na maging matagumpay ang panunungkulan sa susunod na anim na taon.
“I’m sure na alam niyo namang maraming umaasa, lalo na ‘yung mga kababayan nating naghihirap, na mas gaganda ang kanilang buhay,” ni Ong.
Dagdag nito, “Sana maging matahimik na ang ating bayan at magsama-sama na tayo at magtuloy na kung saanman tayo patungo para mas umunlad ang ating bayan.”
Narito ang buong pahayag ni Ong:
WATCH: @DocWillieOng, tanggap na ang pagkatalo sa 2022 vice presidential race
🎥: Doc Willie Ong/Twitter#VotePH #OurVoteOurFuture pic.twitter.com/h5Pa8Dj2PE
— RadyoInquirerOn-Line (@radyoinqonline) May 11, 2022