Pinabulaan ni Manila Mayoralty candidate Atty. Alex Lopez ang kumakalat na balit ana nag-withdraw o umurong na siya sa pagkandidatong mayor.
Ayon kay Lopez, fake news ang naturang balita.
Katunayan, sinabi nito na tuloy ang laban hanggang sa dulo ng eleksyon.
Mariing kinondena ni Lopez ang mga nagpapakalat ng fake news.
Isa aniyang desperadong pamamaraan ng mga kalaban ang naturang taktika.
Panlilinlang aniya sa taong bayan ang ginagawa ng mga kalaban.
Wala kasi aniyang makitang butas ang mga kalaban kung kaya ginagawa na lamang ng mga pekeng balita.
Bumoto si Lopez sa Mariano Ponce Elementary School sa Sta. Cruz, Manila.
Kumpiyansa si Lopez na sa kabila ng negatibong kampanya ng mga kalaban, mananalo siya sa eleksyon.