Hinikayat ni Presidential candidate Panfilo “Ping” Lacson ang mga kapwa presidentiable na kalimutan na ang mga naging isyu, bangayan, at “bitterness” sa eleksyon.
“Dapat mawala na, mailibing na sa limot ang mga memories ng kampanya ‘yung animosity, bitterness, lahat ng mga vicious attacks from supporters that is. Sana mawala na ‘yun kasi tapos na naman ‘yung campaign period,” pahayag ni Lacson sa panayam ng mga mamamahayag.
Pagkatapos aniya ng halalan, dapat magkaisa ang mga Filipino.
“After today, let’s be one nation, one people again,” saad nito.
Narito ang bahagi ng pahayag ni Lacson:
WATCH: Presidential bet @iampinglacson, hinikayat ang iba pang presidentiables na ilibing na sa limot ang mga isyu, bangayan, at “bitterness.”
“After today, let’s be one nation, one people again,” aniya pa. | @escosio_jan /Radyo Inquirer On-Line#VotePH #OurVoteOurFuture pic.twitter.com/tXwAwdnvZN
— RadyoInquirerOn-Line (@radyoinqonline) May 9, 2022