LP Congressmen naghayag na ng suporta sa susunod na administrasyon
Isinapormal na ng Liberal Party Congressmen ang pagsuporta sa speakership ni incoming Davao del Norte Rep. Pantaleon Alvarez sa 17th Congress.
Ito’y sa pamamagitan ng pagpirma sa tinatawag na Manifesto of Support para kay Alvarez.
Ang pirmahan ay naganap sa Speaker’s conference room sa Batasan complex na dinaluhan ng 71 LP Congressmen kabilang mismo si House Speaker Feliciano Belmonte Jr.
Nilinaw naman ni House Majority Leader Neptali Gonzales II na hindi lahat ng taga-LP ay lumagda sa manifesto tulad ng nagbabalik-Kamara na si Albay Rep. Edcel Lagman.
Dagdag ni Gonzales na kahit pumirma ang LP solons at suporta si Alvarez ay hindi sila magkakalasan sa partido Liberal at ito ay mangangahulugan na parte pa rin sila ng majority coalition sa 17th Congress.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.