Laban sa Speakership sa Kamara tapos na ayon sa ilang Kongresista
Inamin ng isang kongresista na taga-Liberal Party na natanggal na ang dala-dalang ‘political burden’ ng kanyang mga kaalyado matapos silang bigyang kalayaan ni House Speaker Feliciano Belmonte Jr na magpasya kung sasanib sa Majority o sa Minority sa 17th Congress.
Ayon kay Quezon City Rep. Winston Castelo, nagpakita si Belmonte ng statementship sa gitna ng pressure sa kanya bilang isa sa mga pinuno ng partido.
Sa halip aniya kasi na pilitin ni Belmonte ang mga kaalyado sa LP na manatili sa kanyang poder, hinayaan na nito ang iba na magdesisyon kung sino ang susuportahan.
Sa kabila nito, nilinaw ni Castelo na alam niya ang sakit na nararamdaman ngayon ni Belmonte, lalo’t isinakripisyo nito ang hangarin na maging House Speaker muli.
Ang hakbang ni Belmonte ay gitna ng usapin hinggil sa papasok na speakership ni Davao del Norte Rep. Pantaleon Alvarez na personal na itinutulak ng Duterte administration.
Dahil sa desisyon ni Belmonte, inaasahang mabibigyan din ang committee chairmanship ang mga miyembro ng partido Liberal na sasali sa majority coalition at mabibiyayaan pa ang kani-kanilany distrito o grupo.
Batay sa huling bilang, hawak na ni Alvarez ang numero para sa speakership para sa 17th Congress samantalang ang matatalo ni Alvarez ay otomatikong magiging House Minority Leader.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.