Bilang ng mga Pinoy na walang trabaho nabawasan, nasa 2.87 milyon na lang
Nabawasan ang bilang ng mga Filipino na walang trabaho noong buwan ng Marso.
Ayon sa ulat ng Philippine Statistics Authority, nasa 5.8 percent o katumbas na 2.87 milyong Filipino ang walang trabaho.
Mas mababa ito sa 6.4 percent o 3.13 milyong Filipino na walang trabaho noong buwan ng pebrero.
Sinabi pa ng PSA na mas mababa rin ang 5.8 percent na naitala noong Marso 2022 kumpara sa 7.1 percent o 3.44 milyong Filipino na walang trabaho kumpara noong Marso 2021.
Tumaas naman ang underemployment o ang bilang ng mga Filipino na nangangailangan ng dagdag na trabaho o oras sa trabaho.
Mula sa 6.38 percent o 7.42 milyong Filipino na underemployed noong Pebrero, tumaas naman ito sa 15.8 percent o 7.42 milyon noong Marso.
Bahagyang gumanda rin ang employment rate sa bansa.
Nasa 94.2 percent o 46.98 milyon ang may trabaho noong marso kumpara sa 93.6 percent o 45.48 milyon noong pebrero.
Ayon sa economic managers, ang pagluluwag sa mga quarantine restrictions kontra COVID-19 ang dahilan ng pagkakaroon ng dagdag na trabaho sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.