Labis na ipinagtataka ni independent presidential candidate Panfilo “Ping” Lacson ang walang boto na nakuha sa Visayas at Mindanao.
Reaksyon ito ni Lacson base sa huling survey result ng Pulse Asia.
“Aside from the constant 2% survey results that they’ve been giving me for the past few months, now it is zero scores in both Visayas at Mindanao,” aniya.
Ngunit sabi ni Lacson na hindi na siya mag-iisip pa ng kung anu-anong ispekulasyon.
Sa halip ay hihintayin na lamang niya ang resulta ng magaganap na eleksyon sa Lunes, Mayo 9.
Kasabay nito, nanawagan na si Lacson sa kanyang mga tagasuporta na bumuto sa eleksyon sa katuwirang ito ang tunay na pagpapakita ng suporta para sa tapat at maayos na pamamahala.
Narito ang bahagi ng pahayag ni Lacson:
WATCH: Presidential aspirant @iampinglacson, hindi makapaniwala na 0 vote ang nakuha ng ilang buwan sa Visayas at Mindanao base sa mga lumabas na resulta ng Pulse Asia survey | @jescosio
🎥: Jan Escosio/Radyo Inquirer On-Line#VotePH #OurVoteOurFuture pic.twitter.com/tK05zGNTY8
— RadyoInquirerOn-Line (@radyoinqonline) May 4, 2022