Hindi isinasantabi ni Pangulong Rodrigo Duterte na posibleng maging ka-kosa o magkasama sa kulungan si Russian Presidsnt Vladimir Putin.
Ito ay dahil sa parehong nahaharap sa kasong human rights violation sina Pangulong Duterte at President Putin.
Sa pangangampanya ni Pangulong Duterte sa mga kandidato ng PDP-Laban sa Cainta, sinabi nito na maaring makulong sila ni Putin.
Kinasuhan si Pangulong Duterte ng human rights violation sa International Criminal Court (ICC) dahil sa madugong anti-drug war campaign habang si Putin naman ay dahil sa ginawang pag-atake ng Russia sa Ukraine.
Paliwanag ng Pangulo, mga kriminal lamang ang kanyang pinapatay habang si Putin ay mga ordinaryong sibilyan gaya ng mga bata, babae, matatanda at iba pa.
Makailang beses nang sinabi ng Pangulo na matalik na kaibigan na ang turing niya kay Putin.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.