Gibo Teodoro, pinabulaanang tinanggihan ang Duterte offer na maging pinuno ng DND
Itinanggi ni dating Defense Secretary Gilberto “Gibo” Teodoro, Jr na inayawan na niya ang alok ni incoming President Rodrigo Duterte na maging DND chief sa papasok na administrasyon.
Paliwanag ni Teodoro, hindi raw niya tinanggihan ang offer ni Duterte na maging Defense Secretary.
Ang kahalagahan aniya ng posisyon sa national interest ay nangangailangan ng seryosong kunsultasyon sa President-elect, bagong tuluyang tanggapin ang pwesto at matiyak na tama ang kanyang desisyon.
Noong May 16, nagkita sina Duterte at Teodoro sa Davao City, subalit hindi raw napag-usapan ang tungkol sa DNP appointment.
Sinuman ang maging bagong DND chief, papalitan nito si outgoing Defense Secretary Voltaire Gazmin.
Nauna nang sinabi ni Duterte na tumanggi na umano si Teodoro sa kanyang alok dahil sa usapin ng pagmimina.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.