Senator Elect Joel Villanueva, ipinagdiwang ang Senate victory kasama si Pang. Noynoy Aquino
Isang thanksgiving party ang isinagawa ni dating TESDA Director General Joel Villanueva, matapos maproklama bilang isa sa pinakabagong Senador ng bansa.
Ginawa ang party sa Makati City kagabi (May 21), at personal itong dinaluhan ni outgoing President Noynoy Aquino.
Labis ang pasasalamat ni Villanueva kay Pnoy dahil napili siya bilang isa sa kandidato sa pagka-Senador ng Daang Matuwid Coalition ng Liberal Party o LP para sa May 9 elections.
Pagtitiyak ni Villanueva, hindi raw niya pababayaan ang mga sinimulang laban ni Pangulong Aquino.
Si Villanueva ay pumangalawa sa mga nagwagi Senatoriables noong halalan, makalipas na magtamo ng mahigit 18 million votes.
Noong 2010, itinalaga siya ni Pnoy bilang TESDA Director General, at nagresign noong 2015 bilang paghahanda sa kanyang pagtakbo sa halalan.
Sa isang post naman sa Twitter, pinasalamatan ni Bro. Eddie Villanueva, ama ng Senator elect, ang mga Pilipino na tumulong at bumoto sa kanyang anak.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.