Kampo ni Robredo ukol sa panawagang pag-atras sa pagtakbo bilang pangulo: “Focus lang sa kampanya”
Naglabas ng pahayag ang kampo ni Vice President Leni Robredo ukol sa panawagang pag-atras sa kaniyang kandidatura sa pagka-pangulo sa May 9 elections.
Isinaad ni Manila Mayor Isko Moreno ang panawagan sa isinagawang joint press conference kasama ang iba pang Presidential bets na sina Sen. Panfilo “Ping” Lacson at dating DND Secretary Norberto Gonzales.
Ayon kay Atty. Barry Gutierrez, tagapagsalita ni Robredo, malinaw ang direksyon ng bise presidente sa ‘people’s campaign.’
Huwag aniyang magpatalo sa emosyon at mag-focus lamang sa kampanya.
Dagdag nito, “Kung may mga kandidatong naghahanap ng papatol sa kanila, tumingin na lang sila sa iba.”
Samantala, humingi naman ng paumanhin si Gonzales kay Robredo.
Sagot ni Gutierrez, “We appreciate the gesture, but an apology is unnecessary. Sanay na kami sa ganyan. We are adults.”
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.