Abiso sa mga motorista.
Magpapatupad ng panibagong price rollback sa mga produktong petrolyo.
Batay sa anunsiyo ng Caltex, Cleanfuel, Petro Gazz, PTT Philippines, Seaoil, at Shell, may kaltas na P1.85 sa kada litro ng diesel habang P2.30 naman ang bawas sa kada litro ng gasolina.
Mababawasan naman ng P1.65 sa bawat litro ng kerosene ng Caltex, Seaoil, at Shell.
Mauunang ipatupad ang oil price increase sa Caltex bandang 12:01, Martes ng madaling-araw (April 5).
Magiging epektibo naman ang oil price adjustment ng Petro Gazz, PTT Philippines, Seaoil, at Shell bandang 6:00, Martes ng umaga.
Samantala, dakong 8:01, Martes ng umaga magsisimulang mabago ang presyo ng mga produktong petrolyo ng Cleanfuel.
Asahang mag-aanunsiyo na rin ang iba pang oil companies ng kanilang oil price adjustment.