Inihahanda na ng kampo ni Sen. Bongbong Marcos ang pagsasampa ng kaso laban sa Project Director ng Smartmatic na si Marlon Garcia.
Sinabi ni Abakada Party-list Rep. Jonathan dela Cruz na siya ring campaign manager ni Marcos na may kaugnayan sa violation ng automated election law ang kanilang isasampang kaso laban sa nasabing Smartmatic official.
May kaugnayan ito sa ginawang pagpapalit ng script o computer command ni Garcia sa ginagamit na transparency server ng Commission on Elections (Comelec).
Nilinaw ni dela Cruz na hindi ang isyu ng bilang ng mga boto kundi ang integridad ng buong eleksyon ang nasira dahil sa ginawang pakiki-alam sa buong sistema ng halalan ni Garcia.
Binatikos din ng kampo ni Marcos ang Smartmatic kung bakit hindi natuloy kanina ang pagdinig ng Joint Congressional Oversight Committee on the Automated Election System.
Bigla kasing sinabi ng Smartmatic na hindi sila makakadalo sa pagdinig kaya nagpasya ang pamunuan ng komite na kanselahin na lang ang nasabing Congressional hearing.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.