Philippine Air Force, mayroon ng babaeng fighter pilot

PAF photo

May naitalang bagong kasaysayan ang Philippine Air Force (PAF), ang pagkakaroon ng unang babaeng fighter pilot.

Kasabay ng pagdiriwang ng Women’s Month, kinilala si 1Lt. Jul Laiza Mae Camposano – Beran bilang unang piloto ng AS-211 combat mission ready pilot at wingman.

Tubong Tulunan, Cotabato ang miyembro ng PMA Sinaglahi Class of 2015 at ika-limang babaeng kadete na tumanggap ng Athletic Saber Award.

Nagtapos sa Military Pilot Training noong 2017 si Camposano – Beran sa PAF Flying School.

Kasabay nito, kinilala ng PAF ang napakahalagang bahagi ng kababaihan sa kanilang hukbo at lipunan.

Read more...