Higit 2,000 pamilya, apektado ng pag-alburoto ng Bulkang Taal
Nadagdagan pa ang bilang ng mga indibiduwal na naapektuhan ng pag-alburoto ng Bulkang Taal noong March 26.
Sa situational report ng National Disaster Risk Reduction and Management Council (NDRRMC) bandang 8:00, Huwebes ng umaga (March 31), umakyat sa 2,047 pamilya o 7,237 katao ang apektado ng aktibidad sa naturang bulkan.
Nagmula ang mga apektadong mamamayan sa 18 barangay sa probinsya ng Batangas.
Umakyat na sa 20 ang itinalagang evacuation center para sa mga apektadong residente.
Nasa 4,165 ang displaced persons sa loob ng evacuation centers, habang 1,952 naman ang displaced person sa labas ng evacuation centers.
Bandang 10:39, Huwebes ng umaga, may naganap na phreatomagmatic burst sa main crater ng Bulkang Taal.
Nakataas pa rin sa Alert Level 3 ang naturang bulkan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.