Sumuko sa Joint Task Force (JTF) Basilan ang 11 miyembro ng Abu Sayyaf Group (ASG) na nakabase sa Basilan noong March 29.
Ayon kay Lt. Gen. Alfredo Rosarrio, Jr., Commander ng Western Mindanao Command (WESMINCOM), sumuko si ASG sub-leader Abdullah Indanan alyas “Guro” at 10 pang miyembro kay JTF Basilan Commander, Brig. Gen. Domingo Gobway sa Barangay Serongon, Hadji Mohammad Ajul.
Nag-ooperate ang naturang grupo sa bahagi ng Lamitan-Tuburan-Mohammad Adjul complex.
Sumuko ang mga rebelde apat na araw matapos mapatay ang isa pang ASG sub-leader na si Radzmil Jannatul alyas “Khubayb” sa 15 minutong bakbakan sa Sitio Center sa bahagi ng Barangay Baiwas, Sumisip noong March 25.
Isinuko rin ng mga rebelde ang 11 matataas na kalibre ng baril, kabilang ang anim na M16 rifles, isang M1 Carbine, dalawang M16A1 rifles, isang M16 rifle na may M203, at isang M4 rifle.
Binati naman ni AFP Chief of Staff, General Andres Centino ang tagumpay ng JTF Basilan at WESMINCOM para sa pinaigting na security operations sa probinsya ng Basilan at sa buong Western Mindanao.
“Continue what you are doing in your area of operations. Neutralizing the leaders of threat groups affects their morale, leading to the surrender of its members,” pahayag ni Gen. Centino.
Dagdag nito, “Let us continue our momentum in our operations to secure the communities from threats and ensure the success of the 2022 national and local elections.”
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.