Sunog, sumiklab sa isang sinehan sa Uptown Mall sa Taguig
Sumiklab ang sunog sa isang sinehan ng Uptown Mall sa Bonifacio Global City, Taguig Martes ng tanghali.
Ayon sa Bureau of Fire Protection – National Capital Region (BFP-NCR), itinaas sa unang alarma ang sunog sa Cinema 3 ng ikatlong palapag ng mall bandang 11:49 ng umaga.
Sinabi ng pamunuan ng Uptown Bonifacio na hindi operational ang nasunog na sinehan.
Idineklarang fire under control sa naturang lugar bandang 1:37 ng hapon, at tuluyang naapula dakong 2:00 ng hapon.
“Mall guests, tenants, employees and workers from the adjacent office towers were immediately evacuated following proper safety protocols and procedures,” saad ng pamunuan ng mall.
Wala ring napaulat na nasawi o nasugatan sa naturang insidente.
“We thank all our mall partners, mall employees, especially our customers, for their cooperation during the evacuation process,” dagdag nito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.