Justice secretary post, ibibigay ni Duterte kay Atty. Vitaliano Aguirre
Si Atty. Vitaliano Aguirre II ang napili ni presumptive President Rodrigo Duterte para pamunuan ang Department of Justice (DOJ).
Ayon kay Aguirre, mismong siya ay nasorporesa sa pasya ni Duterte.
Sinabi ni Aguirre na hindi siya nag-expect at hindi rin siya nag-request ng anumang pwesto sa alkalde.
Ilan sa marching order ni Duterte kay Aguirre ang ayusin ang justice system, linisin ang prison system sa bansa at wala dapat sisinuhin sa pagpapatupad ng anti-corruption efforts ng pamahalaan.
Sinabi ni Aguirre na maraming dapat na linisin lalo na sa New Bilibid Prisons (NBP) na aniya ay kahit linggu-linggo ang ginagawang Oplan Galugad ay hindi nauubos ang mga bawal na gamit na nasasabat.
Si Aguirre ay kaklase din ni Duterte sa San Beda Law School.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.