241 na pamilya sa Batangas, lumikas na dahil sa pag-alburuto ng Bulkang Taal

 

 

 

Nasa 241 na pamilya na naninirahan sa paligid ng Bulkang Taal ang lumikas na.

 

Ito ay matapos mag-alburuto at itaas sa Alert Level 3 ang Bulkang Taal.

 

Ayon sa ulat ng National Disaster Risk Reduction and Management Council, nasa 160 na pamilya o 900 na indibidwal ang lumikas mula sa mga barangay ng Bilibinwang at Banyaga sa Agoncillo, Batangas.

 

Nasa 81 na pamilya o 222 na indbidwal naman ang lumikas mula sa mga barangay ng Boso-boso, Gulod at eastern portion ng Bugaan West sa bayan ng Laurel.

 

Una nang pinayuhan ng Phivolcs ang mga residente na naninirahan na malapit sa bulkan na lumikas na para sa kanilang kaligtasan.