Comelec, bubuo ng task force para aksyunan ang mga ulat ng vote buying

Bubuo ng task force ang Commission on Elections (Comelec) na mag-iimbestiga sa mga ulat ng vote buying.

Ayon kay Comelec Commissioner George Garcia, ito ay para mabilis na maaksyunan ang mga reklamo ng vote buying.

Bubuoin aniya ang task force ng Comelec, Philippine National Police (PNP) at Department of Justice (DOJ).

Matatandaang nag-viral sa social media ang umano’y bigayan ng sobre na may lamang pera sa mga dumadalo sa mga political rally ng ilang kandidato sa pagka-pangulo.

Ayon kay Garcia, tutukan ng task force ang lahat ng reklamo sa vote buying.