Political party ng isang presidential candidate, napasok na ng komunistang rebelde – Pangulong Duterte

By Chona Yu March 22, 2022 - 01:36 PM
PCOO photo

Ibinunyag ni Pangulong Rodrigo Duterte na napasok na ng komunistang rebelde ang isang political party na pinamumunuan ng isang kandidato sa pagka-pangulo ng bansa sa susunod na eleksyon.

Sa “Talk to the People,” nakiusap ang Pangulo sa publiko na huwag sumali sa mga rebeldeng kasabwat ng political parties na nasa kabilang bakod.

Gayunman, hindi na tinukoy ng Pangulo kung anong partidong political ang umano’y nakipagsabwatan na sa komunistang rebelde.

Ayon sa Pangulo, mayroon namang National Task Force to End Local Communist Armed Conflict para lapitan ng mga rebelde sa halip na ang mga pulitiko.

Nakahanda aniya ang NTF-ELCAC na tumulong at magbigay ng ayuda sa mga sumusukong rebelde.

Mayroon aniyang pabahay at pang-kabuhayan na alok ang NTF-ELCAC.

Umaasa ang Pangulo na ipagpapatuloy ng susunod na pangulo ng bansa ang mga nasimulang programa ng NTF-ELCAC.

TAGS: 2022elections, InquirerNews, KomunistangRebelde, NTF-ELCAC, PresidentDuterte, RadyoInquirerNews, 2022elections, InquirerNews, KomunistangRebelde, NTF-ELCAC, PresidentDuterte, RadyoInquirerNews

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.