Inindorso na ng PDP-Laban na paksyon ni Pangulong Rodrigo Duterte ang kandidatura ni presidential candidate Ferdinand “Bongbong” Marcos Jr.
Base sa resolusyon na nilagdaan ni Energy Secretary at PDP-Laban president Alfonso Cusi, sinabi nito na si Marcos ang kandidato na may platapormang tugma sa development program ni Pangulong Duterte.
Paliwanag ni Cusi, natagalan ang pag-indorso ng PDP-Laban kay Marcos dahil kailangan pa nilang makumbinsi kung karapat dapat itong bigyan ng suporta.
Ayon kay Cusi, ang kredibilidad ni Marcos ang kanilang naging basehan sa pag-indorso.
Una rito, inindorso na ng PDP-Laban ang kandidatura ni vice presidential candidate Davao City Mayor Sara Duterte.
Nagpasalamat naman ang kampo ni Marcos sa PDP-LABAN.
Ayon kay Atty. Vic Rodriquez, tagapagsalita ni Marcos, makaasa ang PDP-Laban na patuloy na isusulong ng UniTeam ang pagkakaisa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.